2017 թվականից ԵՊՀ տնտեսագիտության և կառավարման ֆակուլտետի «Տվյալների գիտությունը բիզնեսում» մագիստրոսական ծրագիրը առաջին անգամ փորձում է Հայաստանում ստեղծել մի այնպիսի միջդիսցիպլինար ծրագիր, որը կկարողանա պատրաստել մրցունակ, միջազգային կրթության որակներին համապատասխան մասնագետներ։ «Տվյալների գիտությունը բիզնեսում» մագիստրոսական ծրագրիրը ունի շատ կարևոր մի առանձնահատկություն, այն պատրաստում է մասնագետներ, որոնք ներկայացնում են միանգամից երեք ոլորտ՝ մաթեմատիկա, ծրագրավորում և բիզնես վերլուծություն։ Միևնույն ժամանակ ծրագիրը կենտրոնացած է բիզնես գործընթացներում այդ գիտելիքների պրակտիկ կիրառությունների վրա և չի հանդիսանում զուտ տեսական, վերացական գիտելիքների տրամադրման գործիք։ Այսպիսի մասնագետների առկայությունը շուկայում կարող է ունենալ ուղղակի տնտեսական էֆեկտներ, ինչպես ՏՏ ոլորտում, այնպես էլ ողջ տնտեսության մեջ։
2018 թվականից ԵՊՀ «Տվյալների գիտությունը բիզնեսում» մագիստրոսական ծրագիրը համագործակցում է ԱՄՆ Սան Խոսեի պետական համալսարանի հետ, ուստի «Տվյալների գիտությունը բիզնեսում» մագիստրոսական ծրագրի ուսումնական ամբողջ ծրագիրը լիովին սինխրոնիզացված է Սան Խոսեի պետական համալսարանի «Տվյալների վերլուծություն» մագիստրոսական ծրագրի հետ: Շնորհիվ այդ բոլոր փոփոխությունների, այս տարվա սեպտեմբերից «Տվյալների գիտությունը բիզնեսում» մագիստրոսական ծրագրի երեք լավագույն ուսանողներ հնարավորություն են ստացել շարունակել իրենց կրթությունը ԱՄՆ Սան Խոսեի պետական համալսարանում՝ ստանալով տվյալագետի կրկնակի դիպլոմ։
Տվյալների Գիտությունը Բիզնեսում ԵՊՀ 